في العصور الوسطى كان فيه قسيس بكنيسه مطفر طاقه الفقر حتى اذا خطب بالكنيسه



يجلس عن الباب واللي يعطيه 5 ريال واللي يعطيه 10 ريال



المهم الرجال ماعاد تنفع معه هالطريقه قعد يفكر وجاته فكره جهنميه قال ايييه



الوعد الخطبه الجايه المهم جلس خطب فيهم وقال الجنه عندي و اللي يبي صكوك الغفران يدفع 500



وانا اضمن مايطب النار ابد



الناس صاروا مطاقق على هالصكوك والقسيس شغال كوبي بالليل وبالنهار



المهم بعد فتره جاه يهودي وقاله انا ابي اشتري النار



قعد يفكر القسيس يقول خير وش عنده هاليهودي



والله انه خبل انا ابيع الجنه وهو جاي يشتري النار



قال ياولد خلني ابيعها عليه خبل ونبي نترزق الله من وراه



ناداه وقال تعال يالله هات مليون وخذ صك النار وعطاه الصك المهم اليوم الثاني الا اليهودي



عند باب الكنيسه وقاعد يقول للناس تراني شريت النار وبقفلها



ماني مخلي احد يدخل ابدااااااااا وبلاش مابي فلوس



الناس استانسوا وصاروا ماعاد يشترون صكوك الغفران وطفر القسيس مره ثانيه



وقعد يفكر وش يسوي مافيه الا يشتري النار مره ثانيه من هاليهودي



جا عند اليهودي قال ابي اشتري منك النار



قال اقول ضف وجهك ماني بايع وجلس يزيد بالسعر ويغريه قال ماني بايع الا بـ5 مليون



ودفع القسيس الغبي المبلغ كامل ورجع النار